نكت وفوازير

نكت محششين مضحكة

تعرف على نكت محششين مضحكة من قسم نكت وفوازير ، هناك العديد من النكت المضحكة والتي تنقل موقف كوميدي حدث لأحد الأشخاص ولكنه موقف يتسم بالغرابة والكوميدية مما يجعل الأخرين يضحكون على النكتة ويتداولونها فيما بينهم على سبيل المرح والفكاهة، فإليكم نكت محششين مضحكة.

نكت محششين مضحكة

– محشش سأل صاحبه المحشش: إيه اخبار أبوك؟ بعدين افتكر ان أبوه ميت فكمل بسرعة: لسه في نفس التربة؟

– مسطول دخل محل بقالة وخرج يضحك، سألوه بتضحك ليه قال لهم عطيته جنيه وما اشتريت شىء.
واحد معاه عربية قديمة وعاوز يبيعها ومش عارف، فصاحبه قاله حط عليها علامة مرسيدس وهى تتباع فورا، راح عمل كدا بعد اسبوع صاحبه بيسأله بعت العربية ولا لا، قاله انت عبيط حد يبيع عربية مرسيدس.

– واحدة ست تخينة أوي أوي مش عارفين يوزنوها علشان الميزان كل مرة ينكسر.. جابوا أحدث ميزان من بره وقالوا خلاص هنعرف وزنها.. بعد ما طلعت على الميزان.. الميزان خرج ورقة مكتوب عليها لو سمحتوا ياجماعة واحد واحد بالدور.

– حرامي دخل يسرق بيت لما جه يطلع شافه الولد الصغير ، قاله تسرق كتبي وشنطتي معاك ولاّ اصرّخ وأصحي الناس.

– سألوا واحد محشش: مين أهم الشمس ولا القمر رد: القمر طبعا، بيطلع ينور لنا بالليل و الدنيا ضلمة، انما الشمس بتطلع بالنهار والدنيا نور أصلآ.

– اتنين مساطيل حبوا يسرقوا عمارة فقالوا لبعض احنا ناخد العمارة بعيد ونسرقها برحتنا، فقلعوا الهدوم وقعدوا يزقوا فى العمارة يزقوا، جه واحد من وراهم وسرق الهدوم، فواحد منهم بص ورا ملقاش الهدوم فقال له كفاية كدة احنا بعدنا اوى.

– محشش يسأل محشش تتوقع الجمعة يوافق آخر الشهر؟ رد عليه: لو ضغطنا عليه يمكن يوافق.

– واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى.

– طيارة مليانة ناس من الوطن العربي اتكلم معاهم القبطان وقال: الطيارة راح تقع لازم نخفض وزنها لازم نرمي 3 أشخاص منها.. قام المصري وقال:تحيا مصر التي علمتني الرجولة ورمى نفسه.. قام ليبي وقال: تحيا ليبيا التي علمتني الرجولة ورمى نفسه.. وقام المغربي وقال: تحيا المغرب التي علمتني حمل الأثقال ورمى اللي قاعد جنبه.

– مرة واحد زملكاوى اتجوز واحدة قالت له على فكرة أنا كنت متجوزة قبلك قال يوووووووووه هو أنا كل مرة التاني.

– مرة طالب هندسة دخل امتحان شفوى فالدكتور بيسأله: بتركب إيه وإنت جاى الكلية الصبح ؟؟
الطالب: بركب الأتوبيس
الدكتور قاله: حلو أوي.. لو الدنيا حر في الأتوبيس هتعمل ايه ؟؟
الطالب: هفتح الشباك
الدكتور: جميل احسبلي بقا كميه الهوا اللى داخل الأتوبيس وهو ماشي على سرعة 60 كيلومتر في الثانية
طبعا الواد معرفش والدكتور سقطه بالمادة ..
فهو خارج قابل واحد صاحبه فقاله على السؤال ودخل للدكتور بعده
الدكتور للطالب التاني: بتيجي الكلية بإيه الصبح ؟؟
الطالب : بعربيتى
الدكتور : طب لو عطلانه ؟؟
الطالب : بكلم صاحبى ييجى ياخدنى بعربيته
الدكتور : طب لو مش موجود؟؟
الطالب: بخلى بابا يوصلنى
الدكتور : طب لو وراه شغل
الطالب : بركب تاكسى وخلاص
الدكتور : طب لو ملقيتش تاكسيات ؟؟
الطالب: بركب الأتوبيس وأمرى لله .. هو يسترها بقا من عنده
الدكتور : حلو اووووى .. لو الدنيا حر في الاتوبيس هتعمل ايه ؟
الطالب : هقلع الجاكيت
الدكتور : طب لو حر اووووى ؟؟
الطالب : هفتح زراير القميص
الدكتور : طب لو حر جدا جدا
الطالب : هقلع القميص
الدكتور : قاله طب لو مش قادر تستحمل وخلاص هيغم عليك وقدامك شباك ؟
الطالب : بص بقا انا ممكن اقلع أي حاجة بس ما افتحش شباك الاتوبيس

– الطفل: ماما عاوز أشرب
الأم: بطبخ، قوم هات لنفسك تشرب
الطفل: بتفرج على التلفزيون، هاتيلي أشرب وارجعي تاني المطبخ
الأم: وبعدين بقى معاك، هاجي أضربك
الطفل: طيب وإنت جاية تضربيني هاتيلي معاكي أشرب.

مقالات أخرى قد تهمك
نكت مضحكة مغربية

نكت بدويه تموت من الضحك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى