يهتم قطاع كبير من الشباب بالبحث عن أجمل وأحدث نكت قصيرة بالعامية ، وجمع أكبر قدر منها من قسم نكت وفوازير لتبادلها مع الأصدقاء والمقربين في كافة الأوقات والمناسبات، لإضفاء روح البهجة والرفاهية والمرح على المتواجدين.
نكت قصيرة بالعامية
– صعيدي راح ماكدونالدز وقال لهم عندكم حلقات بصل؟ قالوا ايوه.. قالهم ادوني الحلقة الأخيرة.
إيه اللي بيكون مكتوب داخل جزم الصعايدة؟ ورقة مكتوب عليها: أدخل الأصابع أولًا.
– واحد صعيدي بيقول لواحد تاني: عيني اليمين واجعاني قوي يابوي وكل ما افتحها أشوف نقط سودا.. قال له: طيب شفت دكتور عيون؟ قال له: يا بني آدم باقول لك شوفت نقط سودا.
– واحد صعيدي بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية
– مرة 10 صعايده بيلعبوا على الطريق الصحراوى واللي تخبطه العربية مرتين يطلع برة اللعبة
– واحد صعيدي بيلف علي اكشاك السجاير يقول للبياع بتعرف تتكلم انجليزي يقوله البياع….لا ….يروح لغيره ويكون نفس السؤال ونفس الاجابة لغاية اما وصل للكشك الاخير قاله بتعرف تتكلم انجليزي قاله ايوا قاله كويس قوي اديني علبة مارلبورو
– في قريه نزلت أمطار شديده وسيول. دخل الغفير مسرعا على العمدة وكان يزعق ويقول: يا جناب العمده..يا جناب العمده.. الميه دخلت بيوتنا. رد العمده:مبروك.. عقبال الكهربا
– صعيدي من سوهاج سمع في النشرة إن فيه عاصفة جاية على سوهاج، كتب على مدخل المدينة: مرحبًا بك في أسيوط
– صعيدى حب واحدة أتجوز أختها علشان يضمن يشوفها كل يوم .
– صعيدى بيقول لصاحبه .. بالي مشغول من امبارح يا هريدى قاله أكيد حد رافع السماعة.
– مره واحد صعيدى كان عايز يسافر فرنسا ومش بيتكلم فرنساوي راح لصاحبه وقال له أنا عايز أسافر فرنسا اتكلم فرنساوي ازاي؟ صاحبه قاله الفرنسية سهلة جدًا كل ما تقول كلمه ضِيف عليها (و) الصعيدى راح فرنسا ودخل مطعم وقال للجرسون أريدو واحدو رزو وواحدو لحمو فقال الجارسون (باردو) فقال له الصعيدى لأ (سخنو).
– صعيدى في الجيش اسمه ثابت كل ما الضابط يدى امر ويقول ثابت هوه يقول افندم !!!
– الضابط يقول يبني مش انته , انا قصدى خليك ثابت مكانك علم الضابط ان الوزير هيزورهم
– وقال اكيد ثابت هيفضحنى قدام الوزير فاحسن لى اطلعه اجازة يوم وصول الوزير
– صرخ الضابط ثابت صرخوا الصعايدة كلهم وقالوا مش هنا يا افندم طلع اجازة
– مره واحد صعيدى أتخنق من مراته ولع فى نفسه وحضنها
– واحد صعيدي نزل محطة مصر لقى بتاع الأنابيب بيخبط عليها، قال له > افتحلي واحدة ساقعة لو سمحت.
– ثلاثة صعايدة قرروا أن يعملوا مزرعة كتاكيت فحفروا حفرة ورموا فيها الكتاكيت وردموا الحفرة واستنو يوم .. يومين.. ثلاثة وشجرة الكتاكيت مطلعتش، جربوا مرة تانية ومفيش فايدة فقررو يبعتوا أخوهم اللى بيدرس في أمريكا و بيحضر دراسات عليا. فقال لهم ابعتو لي بعض العينات من التربة عشان احللها
– صعيدي راكب تاكسى السواق نزل يحيب علبة سجاير لاقاه خلع عصاية الفتيس سأله ليه خلعتها؟
قله: شفتك عمال تلخلخ فيها قلت لما اشلهالك علشان متتعبش.
– واحد صعيدى جاب عربيه بى ام دبليو
طبعا العربيه فيها كومبيوتر اى حاجة تحصل فى العربيه الكمبيوتر بيصلحها
الصعيدى قالك انا لازم اجرب الكمبيوتر دة راح على الباب الشمال وكسره.
..راح الكمبيوتر قال : يا ايها الباب ارجع كما كنت فرجع الباب سليم… الصعيدى راح كسر الباب اللى على اليمين.الكمبيوتر قال: يا ايها الباب ارجع كما كنت فر…جع الباب سليم.. الصعيدى استحلاها طلع فوق الكوبرى ونط بالعربيه من فوق الكوبرى .الكمبيوتر قال يا ايتها النفس المطمئنه ارجعى الى ربك راضيه مرضيه.
– واحد غبي اشتغل سواق تاكسي، شاورتله واحده، وقف وسألها “رايحه فين؟ “قالتله”المهندسين”قالها”روحي بس ما تتأخريش”.
– اللي يقولك “ذاكر في الثانويه العامه علشان ترتاح بعدين” مضيه على كمبيالات بالكلام ده
– ﺣﻤﻜﻪ اسبانيه ﺃﻋجﺒﺘﻨﻲ. . . ﺑﺲ ﻣﺴﺤﺘﻬﺎ ﻷﻧﻜﻢ ﻣﺶ ﺑﺘﻌﺮﻓﻮ اسبانى! ﻭﻻ ﻋﺮﺑﻲ ﻭﺍﻟلﻪ ﻭﺍﻟﺪﻟﻴﻞ ﺍﻗﺮﺃ ﺃﻭﻝ ﻛلﻤﺔ
– أثبتت الدراسـات أن هنـاك 6545644 كسلان فى مصر والدليل على كدا انك مقرتش الرقم!
– أهبل وأحول بيقلوا طعمية الأحول بيرمي الطعمية برة الزيت والأهبل بيعمل تشش.
مره مذيع طلع فاصل نزل مشحون
– واحد لابس جرافته فبيسال صاحبة هي معدولة قاله لا مع محمد .
– أتصل حشاش مصري بأوباما و قاله أحنا أعلنا الحرب علي أمريكا أوباما أنخض و قالوا انتم مين ؟ الحشاش قالوا انا و بيسو و علاء و حناوي و ميخا و 3 صحبنا كمان من القهوة يعني 8 وحوش أوباما ضحك في سخرية و قالوا تعرف أني عندي 2 مليون جندي تحت أمري الحشاش قالوا لا جديدة دي لازم أتشاور انا و الشباب المهم الحشاش أتصل بيه تاني يوم و قالوا متقلقش يا أوباما مش حنعلن الحرب عليكم أوباما أبتسم و قالوا ليه الحشاش قالوا مفيش بس معندناش مكان يكفي 2 مليون أسير في القهوة.
– محشش قال: قلي من صديقك أقول لك من أنت ، قال له صديقة : من صديقك ، قاله: من أنت.
– اتنين واحد قال للتاني :الغرب يا اخويا عمالين يخترعوا حاجات جديدة ويطلعوا القمر وحتي المريخ واحنا اجدع ناس مش عارفين نعمل حاجة؟ التانى قاله :طب خلاص احنا نروح نطلع الشمس الاول قاله: بس الشمس بتكون حامية قوي التاني قاله خلاص نطلعها بالليل.
مقالات اخرى قد تهمك :-
