نضع بين أيديكم مجموعة متنوعة من أجمل رسائل غرام من طرف واحد عراقية ، يستخدمها الأشخاص الذين يقعون في الحب من طرف واحد تجاه شخص آخر لا يشعر به.
رسائل غرام من طرف واحد عراقية
– غيابك حبيبي شلون أصّبر الروح
يا حال الي يظل على حالي من تروح
جرحك بالكلب داويته بس ما طاب
وبطاري السفر زيدت قلبي جروح
ما أنساك لو سافرت عشر سنين
وشوكت ما ترد باب القلب مفتوح
يمي إنت وأحس بيك بعيد
وأبد ما فكرت يجي يوم مني تروح
صحيح إني كتلك سوي كلشي تريد
بس على البعد كلتلك هذا ما مسموح
النفس إنت الأشمه ولو تروح شلون
– أموت أني بغيابك لمن تروح
لن حبك بكلبي ماله حدود
يوم الي تسافر احجز لشخصَين
لأن ميم بالمية وياك قلبي يروح
وشما تبتعد خليه دوم وياك
أحس ما يظل بروحي بس مذبوح
شي يبقالي بحياتي وإنت ما موجود
– يـاخلي لـو صـديـت قـلـبي يريـدك***مـوت وحـيات الـروح ياخلي بيدك
– يـا خـلـي لا مـريـت ســلـم عـلــيـه***كـل الـسـبـب ذولاك انا اش بـيـديه
– يوم انا اخـس من يوم لـو كان تدري***هذي ثلاث اشــهور منته عـلخـبـري
– خـاف اللـه يالمريت ما كـلـمـتـنـي***لـيـتك حكيت اوياي لو شـتـمـتـنـي
ردلي حبيب ارجوك وارحم حوالي***ما شـكي على مخلوق للـه سوالي
– يال ما دريـت اشــصار وقـف واقـلك***حـال اليـتـيـم تهـون عـن حـال خـلك
– اسهـر واهـل ادمـوع والـدرب ادله***والمايريده اهواه عـله عـلى عـله
– جيتك بقايا انسان ايدي على خدي***قـلـبـك صخـر مالان يالعـفت ودي
– الما يـنـام اللـيـل عـلـه عـلى عـله***العـيشـه عـقـب اهواي عيشة مذله
– يالفارقتني الروح بعــدك جريحه***بعـــدك طريح افراش كني ذبيحــه
– قـلـبـي عـلـيـك يـنـوح مانام لـيـلـه***مسألتي انا وياك صارت طـويـلـه
– ترجع تـرد الـروح ياكامل الـزيـن***انا ارد امـوت اليوم وتقلي بعدين
– ياسمر فراقك ليش روحي جرحها***صابر ودمع العين غصبن فضحها
– بعد وجفى وهموم يوم اردى من يوم***وعـيني عـلى فـراقـك ماذاقـت النوم
– لا يا وليف الـروح لا تنســـــى ودي***مالي غرض بالناس بس انته عندي
– اشكي ســهير الليل من فرقا خلي***ارفــع يديني فــوق للــه واصـلـي
قد يهمك أيضًا: شعر عن رحيل الام
– أحس متغير أني ومالي خلك الناس
وأحس تعبان كَلبي من الوكت مقهور
مثل غيمة حزن تمطر علي كبريت
وأنه بنار عايش والدموع تفور
كل يوم الأمس مثل الفلم ينعاد
وباجر والأمس والجاي نفس الطور
ناعور الوكت يسكيني جان أشعار
وأفتر الوكت وإنه الصرت ناعور
جنت أضحك وأسولف ويا هذا وذاك
على غفلة ولكيت الناس كلها جور
طرت بجناح واحد للفرح فد يوم
شو حتى الفرح ردني بجنح مكسور
ضيعت البخت وإنه الجنت محظوظ
حتى ويا العشك ما عشت لحضة بنور
يا كَلبي شكثر عذبـتك إنت ويـاي
أحس كَلبي على كَلبي من الحزن مفطور..
شلون تريد أعيش إني بلياك
وإني أشتاقلك من إنت موجود
من تبتع أظل للصبح ما أنام
وإذا ما تصدك نجوم السما شهود
– بس هم وأذيه وألم وجروح
رسمك كمت أشوفه من أغمض العيون
ولو يعمن عيوني ما أظنه يروح
ما أريد أحضنك لو صار الوداع
لأن من أهدك تطلع الروح
عشكتك وأدري أتعب بحبك
رضيت بقسمتي وملهوفه تدريني
أريد أكضي العمر وياك
تدري إنت بغيابك حيل تأذيني
عيني الما تشوفك تنعمي وللدوم
لأن إنت حبيبي فرحة سنيني
تعال وخل أضمك حيل يهواي..
