قصائد وأشعار

شعر شعبي عراقي عن الاب الحنون

الأب هو رب الأسرة وعمودها الدائم والذي تتحامى فيه الأسرة بشكل كبير، فهذا الأب هو أول من يدلل طفلته ويكون صديقها الصدوق والحنون لها.
ولاهيمة مكانه الأب كتب العديد من الشعراء والكتاب العراقيين عنه وكذلك العديد من الكتاب المصريين والعرب، وخلال هذه المقالة سوف نجمع لكم أبرز شعر شعبي عراقي عن الاب الحنون من قسم قصائد وأشعار.

شعر شعبي عراقي عن الاب الحنون

  • ابوي

ابوي اشكد حنون ايفيض وجدان وابوي اصحابه تتباها ابصفاتــــه

كريم ايجود حتى ابلگمة اعشاه وقف للناس ناذر كل حياتــــــــــه

اذا يسمع طفل فد يوم جوعان توگف لگمته ابطارف لهاتـــــــه

من يوگف يصلي اتفيضه الدموع اوتصير ادموعه سجادة صلاتـه

يشماغه بخت وعگاله شارات صر اهموم ربعه ابسد عباتــــــه

شريعه تشع امل وشراع بالريح لجل الناس ناكر دوم ذاتـــــــــه

وابوي الغيره عنده اجروف نهران منها اصحابه تغرف والشماتـــــه

وابوي اشيگصي وكته ايگوم تفاگ يتوچه اعلى جرحه ابكل رهاته

سمح يلگه العذر لليخطي وياه عفه اوحلمه چرچوبة سماتــــه

ماسد باب جوده ابشحة الجود عنوان الكرم كل ذكرياتــــــه كل شبه

ابمظيفه اعدال ديوان غاص امن الزلم حتى ابمماته وابوي الخير بيده

اشيكرم ايزود مثل حري العراق اومي فراته

 

  • انا يا بوي من ونيت مالوم . نزل مني دمع يعمي النواظر

خدودي متعوده تتندى كل يوم . وتحب الماي خشبات الكَناطر

لمت الروح بس شفادني اللوم . شلحك وبسفينة الموت عابر

المنايا عالسطح وعيونها تحوم . عليك ونزلتلك نسر كاسر

ستر الله نغط بديارنا البوم . اخذ عين الكَلاده وراح طاير

ديني حلاتك حلو الرسوم . بلكي انعشك دنيانا مظاهر

اظل كاظم وصبري وياي مكظوم . لوما هالخشب جوه الاظافر

اهن كاسين بهن كاس مسموم . خاف اغلط وبالمسموم اكاسر

بعنه البيت ريت البيت مهجوم . وريت اكثر بعد من هالخساير

تحب انت اللعب والكبر ملموم . شلون تحملت وشلون صابر

وليش من الهوى يابوي محروم . ونسمات الهوى تطيب الخاطر

من هو الشوفك صورة المعدوم . وليش تعلكَت ياشاب يا قاصر

ما ظنيت زرعي يروح فد يوم . وعصافير الحزن تكضي البيادر

من اكتب قصيده تزيد الغيوم . ومن عيني الدمع يملي الدفاتر.

 

  • يشمعة الدنيه بغيابك ظل ماي

ما سامع يبويه ابيوم ظل ماي

الظل لشجر واضح هوه فيه

وادري انته في الشجر واكثر بعد منه

ويامه اني يمك نمت ولفيك اتعنه

لن انته طينك وفه اوتنكط امحنه

بعدك حزين الكلب ودموعي چونه

والكلب بطل يدك والدك صبح ونه

مو هين يبعد الروح بعداك

يبويه الدمع سوه انهار بعداك

وعسى الي بيك صاريصير بعداك

يموتون العده وتظل اليه.

 

  • ﻣﺮ ﺑﻴﻨﻪ ﺍﻭﺧﺬﺍﻙ ﺍﻟﻤﻮﺕ ﻭﺗﻌﺪﻩ

ﻳﺎﻣﻮﺕ ﺍﻋﻠﻰ ﻫﻮﻧﻚ ﺳﻴﻔﻚ ﺍﺷﺤﺪﻩ

ﺍﺣﺒﺎﺏ ﺍﻭﻛﻌﺪﻧﻪ ﺍﻭﻛﻠﻨﻪ ﻣﻠﺘﻤﻴﻦ

ﻃﺒﻴﺖ ﺍﻭﺧﺬﻳﺘﻪ ﺍﻭﺧﺮﺑﺖ ﺍﻟﻜﻌﺪﻩ

ﺗﻄﺐ ﺩﻭﻣﻚ ﻏﻔﻞ ﻳﻤﻔﺮﻕ ﺍﻻ‌ﺣﺒﺎﺏ

ﻭﺗﺨﻠﻲ ﺍﻟﻨﺎﺱ ﻛﻠﻤﻦ ﺩﻣﻌﺘﻪ

ﺍﺑﺨﺪﻩ ﺷﺎﻫﺮ ﺳﻴﻔﻚ ﺍﻭﺗﻔﺠﻊ ﺑﺎﻟﻮﻻ‌ﻳﺎﺕ

ﻭﻻ‌ ﻓﺪﻳﻮﻡ ﺳﻴﻔﻚ ﺑﺎﻳﺖ ﺍﺑﻐﻤﺪﻩ

ﻭﻳﺎﻣﻮﺕ ﺍﻋﻠﻰ ﻫﻮﻧﻚ ﺗﺪﺭﻯ ﺑﻴﻨﻪ ﺍﺿﻌﺎﻑ

ﻟﻮﻣﺎﺗﻨﻪ ﻭﺍﺣﺪ ﺣﻴﻠﻨﻪ ﺍﻳﻬﺪﻩ

ﻭﻳﺎﻣﻮﺕ ﺍﻟﺒﺸﺮ ﻣﻦ ﻋﺎﻃﻔﻪ ﺍﻭﺍﺣﺴﺎﺱ

ﻣﻦ ﺩﻡ ﺍﻭﻟﺤﻢ ﻣﻮ ﻣﻦ ﺻﺨﺮ ﺟﺒﺪﻩ

ﻭﻟﻮﻣﺎﺗﻨﻪ ﻣﻴﺖ ﻣﻮ ﺳﻬﻞ ﻧﻨﺴﺎﻩ

ﺗﺬﻭﺏ ﺍﺭﻭﺍﺣﻨﻪ ﻭﺗﺘﻜﻄﻊ ﺍﻟﻔﻜﺪﻩ

ﺍﻭﺍﺣﺪﻧﻪ ﻛﻀﻪ ﻣﻦ ﻣﺮﺍﺩﻑ ﺍﻟﺼﺪﻋﺎﺕ

ﺟﺜﻴﺮﺍﺕ ﺍﻟﻨﻮﺍﻳﺐ ﺿﺎﻋﺖ ﺍﻟﻌﺪﻩ

ﻭﺍﻟﺮﺍﺣﻞ ﺗﺮﻛﻠﻪ ﺑﻜﻞ ﻛﻠﺐ ﺑﺼﻤﺎﺕ

ﺑﺬﺭ ﺑﺬﺭﺓ ﻣﺤﺒﻪ ﻭﺷﺠﺮﺗﻪ ﺍﻣﻮﺭﺩﻩ

ﺳﻮﺍ ﻟﻴﻔﻪ ﺗﺪﻭﺭ ﺑﻜﻞ ﺭﻛﻦ ﺑﺎﻟﺒﻴﺖ

ﻭﺣﻨﻴﺘﻪ ﺗﺪﺍﻭﻱ ﺍﻟﺠﺮﺡ ﻭﺗﺸﺪﻩ

ﻳﺎ ﺳﻠﻮﺓ ﻫﻠﻚ ﻣﺎ ﺍﺿﻦ ﻟﻴﻨﻪ ﺍﺗﻌﻮﺩ

ﻭﺍﺿﻦ ﻣﻬﺮﻙ ﺧﺬﺍﻙ ﺍﻭﻣﺎ ﺑﻌﺪ ﺭﺩﻩ

ﻭﺿﻠﻴﻨﻪ ﻧﺘﺎﻧﻲ ﺍﻣﺠﺬﺑﻴﻦ ﺍﻟﺼﺎﺭ

ﺍﻭﺋﻴﺴﻨﻪ ﺻﺪﻙ ﻣﻦ ﻃﺎﻟﺖ ﺍﻟﻤﺪﻩ

ﻭﺍﻟﺪﻓﺎﻥ ﺭﺍﺟﻊ ﻭﺣﺪﻩ ﺍﺑﻨﺺ ﺍﻟﻠﻴﻞ

ﻭﺻﻌﺒﻪ ﻋﻠﻰ ﺍﻟﺪﻓﺎﻥ ﻣﻦ ﻳﺮﺟﻊ ﺍﺑﻮﺣﺪﻩ.

مقالات اخرى قد تهمك :-

شعر بالعامية عن الام

شعر حب قصير

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى