نكت مضحكة عن الامتحانات
جمعنا لكم من قسم نكت وفوازير نكت مضحكة عن الامتحانات ، تعتبر الامتحانات من الفترات التي يشعر فيها الطلاب بالضغط النفسي نظرا للمذاكرة لفترات طويلة للحصول على اعلى الدرجات، ويحتاج الطلاب في تلك الفترة إلى الحصول على قسط من الراحة فيبحثون على وسائل الترفيه، فإليكم مجموعة من النكت المضحكة عن الامتحانات.
نكت مضحكة عن الامتحانات
اتنين مساطيل دخلوا امتحان، الاول بيسأل التاني عملت ايه قال له سبت الورقه فاضيه الثاني رد عليه وقال له كدا هيفتكرونا غاشين من بعض.
مرة واحد بيسأل صاحبه في الأمتحان وبيقولوا السؤال الاول، صاحبه قال له مالو راح رد عليه قال له بيسلم عليك يا حيوان.
مرة مدرس علوم بيسأل طالب ايه سبب زيادة ضربات القلب، رد طالب وقال له الامتحان يا استاذ.
مرة مدرس جغرافيا بيسأل طالب لماذا سُمي البحر الميت بذلك الأسم، راح واحد من الطلاب جاوب لأنه حزين على البحر الميت.
كل واحد منا جواه شخصيتين الأول بيقول قوم ذاكر والتاني بيقول سيبك منه وروح نام.
مرة مدرس بيصحح ورق الامتحانات شاف الورقة مكتوب عليها لو راجل متفتحهاش، بعد ثلاث ساعات الفضول هيموتوا راح فتحها، لاقي مكتوب فيها برضه فتحتها يا ابن الكلب.
مرة واحد ابن جزار عرف يحل سؤال في الامتحان، قام دبح عجل.
مدرس عربي عمل امتحان مفاجئ بيسأل طالب ما هو التوكيد؟ قاله التوكيد والنور، سأل طالب تاني قال له توكيد نوكيا، سأل الثالث قال له توكيد عكاشة.
مرة تلميذ بيقول للمدرس انا عاوز اوصل للقمة، المدرس قال له شاطر انت عاوز تبقي حاجة مهمة، قال له لا عشان اتزحلق.
مرة طالب جامعة بيسأل الدكتور هو الامتحان لحد فين قال له لحد ما وقتنا يخلص، راح رد علية وقال له هي مادة ايه اصلا ً.
مدرس بيقول للطلبة في الامتحان محدش يكتب حاجة علي ورقة الاسئلة، راح رد عليه تلميذ هو احنا عارفين نكتب حاجة في ورقة الاجابة عشان تكتب في ورقة الاسئلة.
مرة مدرس بيقول لطالب في الدرس ادخل كلمة ناقص فى جملة قاله، وناقص تقولى اعربهالى كمان.
مرة واحد من أولياء الأمور بيسأل مدرس هل مستوى ابنه يضمن له النجاح، رد الاستاذ وقال دا متوقف على مستوى الطالب الي ها يجلس بجانب ابنك في الامتحان.
واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى هههه
مرة واحد ضاق خلقه أعطاه لأخوه ههههه
مره مدرس بيسأل تلميذ ماذا تعلمت من المدرسة، التلميذ رد وقال له تعلمت ألا أنظر خلفي إلا في الامتحان.
مرة اب دخل على ابنه ليلة الامتحان شافه بيلعب، قال له ها تتحل ازاي بكرا في الامتحان، رد الولد وقال له بالقلم.
مرة واحد بيقول لابنه ياريت تقعد على الكتاب زي ما تقعد على الكمبيوتر كدا، راح الولد جاب الكتاب وحطه فوق الكرسى وقعد عليه.
مرة مدرس علوم بيسأل طالب ما فائدة الاذنين، رد أحد التلاميذ وقال تمنع سقوط النظارة يا أستاذ.
واحد كسلان دخل الامتحان وقع منه القلم سلّم الورقة ههههههه
مدرس علوم بيسأل طالب ماذا تعرف عن الجاذبية، الطالب رد عليه وقال له هي جاذبية النوم الي بتظهر لما ابدأ اذاكر.
مرة طالب عرف سؤال في الامتحان من فرحته راح نسي الاجابة وكتب في الورقة والله كنت فاكرها.
مرة واحد بيسأل ابنه عملت ايه في الامتحان، الولد رد عليه وقال له كان صعب جه من برا البرشام.
مدرس تاريخ بيسأل ماذا فعل الرومان عندما عبروا البحر المتوسط، واحد من التلاميذ قال نشروا ملابسهم.
مقالات أخرى قد تهمك:-
