نكت قصيرة بايخة
‫الرئيسية‬ نكت وفوازير نكت قصيرة بايخة

نكت قصيرة بايخة

جمعنا لكم اجمل نكت قصيرة بايخة من قسم نكت وفوازير ، تعتبر النكت من أنواع الأدب الشعبي الذي أذاع صيته منذ قديم الزمان واصبح يتداول بين الناس لإضحاكهم ونشر حالة من المرح والضحك، فقمنا بتجميع مجموعة جميلة من النكت القصيرة البايخة التي يمكنك أن ترسلها لاصدقائك لاضحاكهم، فإليكم عدد منها:-

نكت قصيرة بايخة

مرة واحدة اسمها ساندي دخلت كلية هندسة بقا اسمها ساندي متر مربع”.

مرة عريس قال لعروسته في أول يوم جواز اعملي حسابك أنا كلمتي هنا في البيت زي الساعة، فالعروسة بصت له جامد كده، قالها لا يا حبيبتي يعني لا بتقدم ولا بتأخر..

مره واحدة روحت على بيتها متأخر قال لها زوجها: أنتى كنتى فين؟ قالت: لا مهوا … اصلو … كان فى واحد بيعاكسني.. قال لها: هو بيعاكسك أنتى اتاخرتي ليه؟ قالتله: أصله كان ماشى على مهله ….!

مرة واحد جاب شعره على جمب عشان كان عاوزه في موضوع”.

مرة واحد فشار أوى بيقول لصاحبه أنا كنت ماشى فى الصحرا طلع عليا أسد نطيت في البحر.. صاحبه قاله بحر ايه بس اللي فى الصحرا.. قال لا أنا قلت لقيت أبو الهول اتشعلقت فى رقبته.. صاحبه قاله وايه اللي جاب أبو الهول في الصحرا؟ فقاله وأنا ماشى فى الصحرا طلع عليا أسد أكلنى.. ارتحت؟

مرة واحد سأل صاحبه لما اخترعوا الساعة كانت الساعة كام؟

واحد كل لما يعدى من شارع يشوف واحد بيشرب سجارتين.. فبيسأله هو أنا ليه كل لما اعدى من هنا اشوفك بتشرب سجارتين؟ قاله اصل انا كان ليه واحد صاحبى متعودين ان احنا نشرب سجاير هنا وصاحبى ده سافر فانا بشربلى وبشربله.. بعدها بفترة صاحبنا ده عدا شافه بيشرب سجارة واحده.. فقاله انت بتشرب سجارة واحده ليه؟! قاله اصل انا بطلت.

مرة واحد بيسأل صاحبه هو النهاردة السبت ولا الحد قال له الأتنين، فصاحبه قاله ياااه الأتنين جايين مع بعض؟!

غبى خطف غبية ركبها العربية فضلت تصوت.. قالها: هتسكتى ولا انزلك؟ قالت له لا هسكت.

مرة واحد حلو، اتجوز واحدة حلوة خلفوا عيل شربات

عملوا جائزة مليون جنيه للي عنده 10 عيال.. واحد عنده تسعة قال لمراته أنا كنت متجوز عليكى ومعايا ولد أروح أجيبه؟ ونكمل العشرة ونكسب الجائزة؟ راح ولما رجع بيسأل مراته فين العيال؟ قالتله كل عيل أبوه أخده.

مرة واحد رفع قضية وقعت عليه

واحد قبل مايموت جمع ولاده التلاتة وحب يوصيهم يفضلوا أيد واحدة.. أعطى لكبيرهم عود خشب كسره بسهولة.. أعطاه اتنين كسرهم بسهولة برضه.. أعطاه خمسين عود كسرهم بسهولة.. قال لهم طالما معاكم البغل ده مافيش خوف عليكم.

– وحدة صحيت من النوم مخضوضة سألها جوزها مالك يا ولية؟ قالته كابوس حلمت إني ترملت، قالها بعد الشر يا حبيبتي ان شاء الله أنا ولا انتِ.

ديلفرى بيسأل شيخ بيقوله هو أنا شغلي حرام؟ قاله ليه أنت مش مؤمن؟ قاله لا كنتاكى.

مرة واحد صعيدى لقى سايبر مكتوب عليه الساعة ب 10 جنيه.. دخل يسأل هيا ضد المية؟

– فتح لزوجته باب العربية فقالت له: ياه ما أجملك وأنت رومانسي، فقال لها: اتنيلي انزلي طيب الباب مبيفتحش إلا من برة

مره واحد سرق فرخه وراح عند البحر نضفها وأكلها.. جه الضابط وقاله أنت سرقت الفرخة؟ قاله لا يا باشا.. قاله الضابط والريش ده؟! قاله دى نزلت تستحمى و قالتلى أخلى بالى من الهدوم.

مرة اتنين أغبية طالعين رحلة فالسواق نزل استراحة ورجع لقى الفتيس مش موجود قالهم الفتيس راح فين…قالوله لقينك يا عم طول الطريق عمال تشد فيه مش عارف تخلعه قولنا نشلهولك​

غبى خطف غبية ركبها العربية فضلت تصوت.. قالها: هتسكتى ولا انزلك؟ قالت له لا هسكت.

مقالات أخرى قد تهمك
نكت عراقية سخيفة

نكت عن الاكل

نكت عادل امام

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *