نكت ضحك حتى الموت
‫الرئيسية‬ نكت وفوازير نكت ضحك حتى الموت

نكت ضحك حتى الموت

جمعنا لكم من قسم نكت وفوازير نكت ضحك حتى الموت ، تعتبر النكت من وسائل إثارة الضحك لدى العديد من الناس سواء كانوا الشباب أو كبار السن، فالنكت عبارة عن نقل موقف ما مضحك سواء كان خيالي او واقعي بشرط أن يكون مضحك ويتسم بخفة الظل ويعمل على نشر المرح والبهجة بين الناس، فإليكم نكت ضحك حتى الموت.

نكت ضحك حتى الموت

مدرس إنجليزي بيسأل تلميذ “جوز هند بالإنجليزي يعني إيه؟” قال له “كوكونت”، الأستاذ قال له حطها ف جملة مفيدة.. قاله كوكونت من الشباك.

مره واحد بيقول لمراته عايز اعترفلك بحاجه.. قالتله قول.. قالها أنا بحب هاينز .. قالتله وأنا بحب هيثم.. قالها هاينز دى صلصة.. قالتلو وهيثم ده مربى.

واحد معاه عربية قديمة وعاوز يبيعها فصاحبه قاله حط عليها علامة مرسيدس وهى تتباع.. راح عمل كدا بعد أسبوع صاحبه بيساله بعت العربية ولا لا؟ قاله أنت عبيط أبيع عربية مرسيدس.

واحد سنانه كلها طايرة ما عدا الأنياب… قدم على وظيفة عينوه خرامة..

واحد راح الصيدلية وقال للدكتور: عايز لبن أطفال… الدكتور: اسمه ايه؟ قاله اسمه أشرف.

شرطي مرور خلف واد بيتكلم بالإشارة..

مرة واحد راح الجهاديه طلع من الجهة التانيه..

واحد صعيدى بيقول لصاحبه شوف العالم الهطله بيدفعوا 25 مليون علشان بن لادن أمال لو كان بن محوج كانوا عملوا إيه.

ندل واقف فى ميكروباص.. ضحك لبنت ضحكتله.. غمزلها غمزتله.. شاورلها تنزل.. نزلت قعد هو مكانها.

عشر صعايدة بيتعلموا ربط الكرافتة 6 ماتوا و 4 في حاله حرجة.

صعيدى دخل راسه فى قفص الأسد.. الحارس قاله أنت بتعمل ايه يا بويا؟ قاله يا عم ما تخافش واحنا هناكله.

فرختين ماشيين الأولى معلقة بيضة على رقبتها.. فالتانية بتسالها اية البيضة دي؟ قالتلها دي صورتي وأنا صغيرة.

واحد اتجوز واحدة اسمها نعمة باسها وش وضهر.

مرة واحد عداه العيب خد اللي بعده.

واحد أهبل مراته ولدت بعد شهر من الجواز سألوه ازاي؟!! قالهم يا نهار أسود على الحسد ياناس.

مرة واحد كسلان اتجوز واحدة كسلانة كسلوا يخلفوا.

حسنين لقى شنطة فلوس و عايز يخبيها قام حافر فى الأرض و دفنها و كتب مافيش فلوس هنا قام محمدين حفر وخد الفلوس و كتب محمدين مخدش حاجة.

تلميذ بيقول لوالدته تعالي معايا المدرسة بكره.. قالتله ليه يا حبيبي؟ قالها المدرس قال اللي مش هيعمل الواجب هضرب أمه بالجذمة.

مجموعة محششين قالو الأمريكان وصلو للقمر أحنا بقى عايزين نوصل للشمس.. واحد قالهم مش خايفين تتحرقو قالوله يا عبيط أنت فاكرنا هنطلع الصبح! أحنا هنطلع بليل.

بخيل واقف فى البلكونة… ابنه جاى من بعيد يقوله بابا بابا بابا … قاله: يا مغفل بابا واحده كفاية.

واحد بلدياتنا بيتخانق مع واحد.. فضربه على وشه فقاله ليه كده ما قفايا موجود اهه..

غبى شاف مقهى انترنت مكتوب عليه الساعه بــ 3 جنيه…. دخل يسأل هي ضد الماية؟

مره واحد اشترى لمبه مسمار دقها في الحيط.

بخيل اتزوج بخيلة جابوا بنت سموها حصالة.

فيه نقطة زرقا على الحيطة ايه هي؟؟ نملة لابسة جينز.

حشاش سايق إسعاف في الحرب ناقل 35 قتيل.. سمع في الراديو سقوط 30 قتيل.. وقف وفتح الباب وقال: الخمسة اللي بيستهبلو ينزلوا حالا.

واحد بلدياتنا ماسك قنبلة وعمال يحدفها من الإيد دي للإيد دي.. قابله واحد تانى قاله: يخرب بيتك ولما تنفجر فى وشك.. قاله: ماتخافش معايه غيرها.

في المدرسه أستاذ الرياضيات بيسأل التلميذ بتاعه: لو باباك استلف ألف جنيه من البنك وألف جنيه تانيه من جاركم يبقى هيرجع كام الف؟ التلميذ: مش هيرجع حاجه يا أستاذ.. الأستاذ: يا ابني استلف ألف وبعديها ألف تاني.. التلميذ: مش هيرجع حاجه يا أستاذ.. الأستاذ: اقعد يا ابني أنت متعرفش حاجه في الحساب.. التلميذ: أنت اللي متعرفش أبويا.

ثلاثة محششين وقفو تاكس.. صاحب التاكس عرف أنهم محششين شغل العربية وطفاها تاني وقالهم يلا وصلنا.. الأولاني عايز يديه الفلوس.. التاني اتخانق معاه عشان يدفع هو.. التالت نزل من العربية وراح ضرب السواق بالقلم وقاله عاجبك الخناقة دي عشان تبقى تسوق بسرعة. نكت تفطس من الضحك شوفها دلوقتي

مقالات أخرى قد تهمك
نكت صعايدة

نكت سخيفة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *