قصيدة قصيرة مكتوبة عن الأم

تعرف على قصيدة قصيرة مكتوبة عن الأم ، تعتبر الأم هي أصدق شخص يحب الابناء بالفعل ويعمل لصالحهم، وتسعى دائما إلى تربيتهم افضل تربية بمساعدة زوجها حتى يكونا لهم مستقبلا باهرا يفتخرون به طول عمرهم، كما انها تسهر طوال الليل على راحتهم أملا في انهم يكونوا اصحاء وذو صحة جيدة، وهناك العديد من القصائد الشعرية لمختلف الشعراء العرب الذي تحدثوا عن مدى اهمية الأم في حياة الإنسان وعلو قيمتها وشأنها.

قصيدة قصيرة مكتوبة عن الأم

فإليكم قصيدة قصيرة مكتوبة عن الأم مقدمة من قسم قصائد وأشعار:-

قال محمود درويش :

أحنّ إلى خبز أمي

و قهوة أمي

و لمسة أمي

و تكبر في الطفولة

يوما على صدر يوم

و أعشق عمري لأني

إذا متّ

أخجل من دمع أمي !

خذيني ، إذا عدت يوما

وشاحا لهدبك

و غطّي عظامي بعشب

تعمّد من طهر كعبك

و شدّي وثاقي..

بخصلة شعر

بخيط يلوّح في ذيل ثوبك..

عساي أصير إلها

إلها أصير..

إذا ما لمست قرارة قلبك !
_____________________________
لما جيت اكتب عن امي
قولت عنها شايله همي
قولت دي بتجري في دمي
قولت ياما حاجات كتير مش جديدة
لما جيت اكتب عن امي عاجزة قدامي القصيدة
شايلة سرّي ..
كان زمان بيني و بينها حبل صري
اتقطع يوم الولادة و اتوصل حبل الواداد
حب متحولش عادة من كلام رب العباد
حبها اصلا عبادة
في التعب كانت بتسأل
جه مؤنث جه مذكر
جه بيضحك جه مكشر
جه على الدنيا بسلامة
وقتها ماكنتش بفكر
كنت بابكي و كانت بتحضن بابتسامة
وقتها مكنتش بفكر
ده الضنا جه من الضنى
لما جيت اكتب عن امي لاقتني بكتب عني انا
لما جيت اكتب عن امي عاجزة قدامي الحروف
قام الألِف زعّق وقف
قاللي ما تفهم يا ولا
ده انا مشترك في اسم من لا شريك له
و اول الاسم الألِف
و اول الام الألِف
و دي مش صدف
ربك بيخلق من العدم خلق الألم وهنا علي وهن
شالتني لحد ما بلغت الحُلُم
و ياما بتدلع عليها و ياما بتمنع عليها
و ياما حاوطتني بجناحها
و ياما دمعت في عينيها
و من ايديا تاتا تاتا
و رجلي داست على البلاطة
و داس عليها عجل زماننا
و كانت بتحضني ببساطة
و لمابتعب كانت بتعب كانت تطبطب
كانت تجيبلي الشوكلاتة
كبرت فجأة
لاقتني بزهق من كلمها عن السجاير
عن العيال اللي مصاحبهم على الدراسة
خش ذاكر !
اجي اتدلع تقوللي ده انت راجل
ده اللي قدك دخلوا دنيا
بص يا ابني
خلي بالك دي السنين زي الكلونيا
تحطها بتطير بسرعة
ماتلاقيش لهواها ريحة
السنين بجحة و صريحة
امي مابتعرفش تجرح
بس ياما باتت جريحة
لما جت وقفت قصادي
قالتلي انت امتدادي
انت نور عيني اللي شبهي
انت دونا عن ولادي
وقتها انا كنت غاوي للغناوي
كنت اسيبها قاعدة و انزل اترمي في حضن القهاوي
هي ديا احلي عيشة
هاتلي نار علي فحم شيشية
هاتلي طاولة
امي دي فاكراني طيشة
لأ دة انا راجل بشنبي
بصوا دقني
و اما جالي الحزن داقني
و الزمان خد مني خانة
الدوا اللي عند امي
مش لاقيه ف الاجزخانة
كل ليلة كنت برجع و الدُعا صالبلي ضهري
و التعب فارد طريقي و السنين بتقولي اجري
في الزمن عمال بسابق
بلتقي بحضن بفارق
زحمة الدنيا خدتني
مفتكرهاش الا لما بس الاقي الاكل حادق
انت فين مش عارف اكل
اقعدي جانبي تعالي اسمعي اخر المهازل
مرة واحد حب ينجح قاله عنه انّه فاشل
مرة واحد حب واحدة بس سبها لانه عاطل
قالوا عني اني شبهك
قالوا واخد شكل شعرك
ضعف نظرك
و السنان البايظة منك

مقالات أخرى قد تهمك:-
قصيدة عن الأم والأب مكتوبة

قصيدة عن الأم المتوفية مكتوبة

قصيدة قلب الأم لاحمد شوقي

اترك رد

لن يتم نشر عنوان بريدك الإلكتروني.