شعر بدوي عن الاخ
‫الرئيسية‬ قصائد وأشعار شعر سوداني عن الاخ

شعر سوداني عن الاخ

شعر سوداني عن الاخ , الأخ هو الأب الثاني في البيت والسند بعد الأب، فهو الحماية لإخوته البنات ولأمه وهو الذراع الحامي لهم بعد الأب في النزل وهو الصدر الحاني أيضا.

ولمكانة الأخ العالية كتب العديد من الشعراء والكتاب العديد من الأشعار عنه، وخلال هذه المقالة سوف نجمع لكم أبرز شعر سوداني عن الاخ من قسم قصائد وأشعار.

شعر سوداني عن الاخ

قصيدة يا صاحبي لا تشتكي الوقت والحال

يا صاحبي لا تشتكي الوقت والحال

خل الذي في قلبك اليوم خافي

 

ما كل حكيٍ يا ابيض القلب ينقال

ولا كل عمرٍ من شقى الحال غافي

 

رح واشتكي للي له الكل رحال

وارفع كفوفك له ترى الله كافي

 

واعرف ترى كلٍ من همومها شال

ولا عاد شفت اللي من الهم صافي

 

ما انت الوحيد اللي شكى الوقت والحال

وما انت الوحيد اللي له الوقت جافي

 

اكذب عليك ان قلت لك خالي البال

ياما مشيت الدرب والنور طافي

 

همي بقلبي يالخوي اتعب الحال

دمعي بعيني رقص اليوم قافي

 

انت الرفيق اللي بهالكون ما مال

لا ضاق صدري منهم القاك لافي

 

ترى غلاك اليوم ثابت ولا زال

ولا عاد ابي ربع القلوب المقافي

 

خذني يمينك وابشر بذرب الأفعال

لأمشي معك لو وين كان انجرافي

 

أقسم قسم انك على الراس تنشال

خذ من قصيدي وشوف جل اعترافي

 

قصيدة أخوي صاح البارحة للعذاريب

أخوي صاح البارحة للعذاريب

وأصغيت له كني ورا الطرش راعي

هرجٍ مثل رجد الفشق والمضاريب

كنه يصحي له من النوم واعي

يرشد خطاي وينتقدني من العيب

حتى توسع خاطره لانطباعي

سود الليالي حفظتنا تجاريب

وأرخت عصاها في جبيني وطاعي

نسعى ورا اللذات والشك والريب

ونلقى حتفنا في طريق الضياعي

الضيق والحاجات والعوز للطيب

واليا قصاك القل قص الذراعي

والي تسكر باب حتى الدواليب

شد الرحال ولا يردك متاعي

وخلك شمالي في ديار الاجانيب

ولا تمدح بالفخر والشجاعي

ولقح بنات العز وتجيب لك صيب

وتلقا لها فالطيب صاعٍ وباعي

ولا تنعت المحتاج بالقل الشيب

لا احتلت في نقل الذنوب الجماعي

وقفا وأنا له للضما والمشاريب

وأنا على جرة حميد المساعي

وساعة طلع نور الصبح فالمصاليب

ما غير اسلي خاطري بالتداعي

لقيت له جره ورا شمخ النيب

وجريت له صوتٍ صداه انصياعي

ترا خوي الفقر والداب والذيب

يهون دمه للسباع الجياعي

واحر من جمر الغضا والمشاهيب

حزن اليتيم ودمعتين الوداعي

 

قصيدة صانك ولي أمرك وحبك وداراك:

صانـك ولـي أمـرك وحـبـك وداراك

ولأقــدر ردع الحـظـوظ ومجيـهـا

نفسـك مهذبهـا وعــز الله ربّــاك

ما يـدري إن جيـش الهيـام يغزيـهـا

الله قسـم يبـلاك بـي وأنـت يبـلاك

باللي سواتـي فـي العـرب يرتجيهـا

محبة (ن ) ذربه مـن القلـب تكسـاك

محبـة (ن) صـدق الهـوى يكتسيهـا

يامـرك قلبـك بالوفـا لـي وتنـهـاك

أنس (ن) علـى لامـاك تفـرك يديهـا

رزيـن عقـل ومـن مزايـا مـزايـاك

نفسـك تحـب وعفـتـك تمتطيـهـا

تطيع عقل (ن) مـا بعـد زل وأغـواك

مشاعـرك تعصـاه ..وأنـت تعصيهـا

ما شفـت منـك إلا عيونـك ويمـنـاك

محبـة (ن) راع الـردى مـا يبيـهـا

يقبـض فـوادي لا تخيـلـت فـرقـاك

يا شف عيـن (ن) مـا سـواك يعنيهـا

وياعـزوة إخوانـك ومطلـب هـذولاك

نـاس (ن) محبـة والـدك تدعيـهـا

ناس (ن) تخـدم أبيـك كلـه لعينـاك

وهـو يحسـب إن الله عليـه يهديهـا

يا جعلها تفـدى علـى الارض ماطـاك

والله بمـن هــو مثلـهـا يبتليـهـا

 

قصيدة اليوم باعاتبك وظني بأجافيك:

اليوم باعاتبك وظني بأجافيك

يوم إنك من صوبنا تجافيت

سنين طويله وأنا معك مخاويك

ولا عن الخوة لحظه تخليت

أفرح ليا سمعت صوتك وطاريك

وأتابعك كلما قمت وأمسيت

صاحبي الغالي ولا بأساوم فيك

ألبي وأهم روحي ليا دعيت

بالروح والدم من دونك أفديك

ما أخون مبدأ على صلبه تربيت

لكن تغيرت وكثرت معاصيك

وشانت فعايلك وحتى ترديت

صرت تجهلني وقت ما أفاجيك

ويا كثر الأيام اللي بها صديت

المرة الأولى قلت شيء مبتلييك

وتكدرت يوم إني عنك ما دريت

كم مرة كلمتك وأبغى أحاكيك

أعطيتني مشغول وما رديت

اكتشفت إن ما شيء يؤذيك

عرفت إنك من صوبنا جضيت

في كل يوم وتزود في تماديك

شفت أحوالك علينا وتغليت

عرفت مقصدك وتبينت مغازيك

يوم إنك وراء المصلحة مشيت

كثرت هروجك وكثرت تهازيك

وياما في ظهري شتمت وسبيت

ما قدرت يوم أقابلك وأماريك

على العلوم اللي علي زليت

بالعلوم المطلقة دايم أجازيك

وأنته بالشينه قدمت ومديت

يا نار في خاطري منه يطفيك

وأنت من صب فيها غاز وزيت

قمت من نومي وشغلت الاتريك

وفي الليلة الظلماء بالخلاء سريت

من هم في قلبي يا جعله ياتيك

أرخى سدوله علي ولا وعيت

نسيت خلك واللي كان يواسيك

لا صكت الدنيا بوجهك وتباكيت

نسيت من كان حولك ويرضيك

لا كدرتك الأيام ومنها فزيت

ما تهون على يوم هانت مباديك

قصر بنيته عالي ثم هديت

كان لك مقام وما حد يساويك

ولك والله بالمعزة شامخ البيت

كنت بالعليا والزينة دوم ابديك

ولشأنك كثير من الناس ضحيت

منه غيري في جنبك ويحميك

والا تخليت عنه وما احتميت

كنت أحارب وأهين من يعاديك

وأوقف في صفك لا منك تعديت

وإذا هميت وكبرت عزاويك

من تلتفت صوبه لا تعزويت

لا تلاعبني مثل القط والديك

و باقي ما صدقت الذي سويت

كنت إليا تضايقت أجي وأسليك

وأبكي لبكاك وأون لا ونيت

وتنسكب دمعتي لا انهلت عباريك

وفي تحقيق رضاك ياما سعيت

ومن أغلى الأثمان دايم أهديك

أنشهد من صوبك كفيت وفيت

فإذا نسيتني فلا إني قادر أنسيك

حتى لو قطعت الوصل وتناسيت

ما قدرت أطلب حق وأقاضيك

وأنت من صوبي أخطيت وضليت

طعنتني بالرمح والقنا بآياديك

وجرح سببته منه ما شفيت

شوف السبب الذي تتبعه ويغويك

وايش حصلت منه وألا جنيت

عرفت معدنك ولا عاد بأرجيك

يوم بعتنا ولغيرينا اشتريت

فلو قدمت مالك وقدمت أهاليك

وجيتني تعتذر وتقول يا ليت

ما أقبل عذرك وحتى ما بآحييك

وأنت الذي ترفعت وتغليت

فخلك بعيد عني وابليس يفتيك

قرار من عندي عليه جديت

فيا الله يا مطلوب والكل يدعيك

الواحد اللي له سجدت وصليت

تلطف بحالي وحالي يناجيك

وما خاب من دعاك يا رب البيت

مقالات اخرى قد تهمك :-

شعر حزين للام

شعر انجليزي مترجم عن الام

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *