قصائد وأشعار

قصيدة لما جيت اكتب عن امي مكتوبة

تعرف على قصيدة لما جيت اكتب عن امي مكتوبة ، هناك العديد من القصائد الشعرية الرائعة التي تحمل الكثير من الألفاظ والمعاني الجميلة التي تصف مدى عظمة الأم والإشادة بدورها الكبير في تربية وتعليم ابنائها، ومن بين تلك القصائد التي ذاع صيتها بين العديد من الناس قصيدة ” لما جيت اكتب عن امي ”

قصيدة لما جيت اكتب عن امي مكتوبة

فإليكم قصيدة لما جيت اكتب عن امي مكتوبة مقدمة من قسم قصائد وأشعار:-

لما جيت اكتب عن امي قولت عنها شايله همي قولت دي بتجري في دمي قولت ياما حاجات كتير مش جديدة
لما جيت اكتب عن امي عاجزة قدامي القصيدة
شايلة سرّي .. كان زمان بيني و بينها حبل صري اتقطع يوم الولادة و اتوصل حبل الوداد
حب متحولش عادة من كلام رب العباد حبها اصلا عبادة
في التعب كانت بتسأل جه مؤنث جه مذكر جه بيضحك جه مكشر جه على الدنيا بسلامة
وقتها ماكنتش بفكر كنت بابكي و كانت بتحضن بابتسامة وقتها مكنتش بفكر ده الضنا جه من الضنى
لما جيت اكتب عن امي لاقتني بكتب عني انا
لما جيت اكتب عن امي عاجزة قدامي الحروف
قام الألِف زعّق وقف قاللي ما تفهم يا ولا ده انا مشترك في اسم من لا شريك له و اول الاسم الألِف و اول الام الألِف و دي مش صدف
ربك بيخلق من العدم خلق الألم وهنا علي وهن شالتني لحد ما بلغت الحُلُم
و ياما بتدلع عليها و ياما بتمنع عليها و ياما حاوطتني بجناحها و ياما دمعت في عينيها
و من ايديا تاتا تاتا و رجلي داست على البلاطة و داس عليها عجل زماننا
و كانت بتحضني ببساطة و لما بتعب كانت بتعب كانت تطبطب كانت تجيبلي الشوكلاتة
كبرت فجأة لاقتني بزهق من كلمها عن السجاير عن العيال اللي مصاحبهم على الدراسة
خش ذاكر ! اجي اتدلع تقوللي ده انت راجل ده اللي قدك دخلوا دنيا
بص يا ابني خلي بالك دي السنين زي الكلونيا تحطها بتطير بسرعة ماتلاقيش لهواها ريحة السنين بجحة و صريحة
امي مابتعرفش تجرح بس ياما باتت جريحة
لما جت وقفت قصادي قالتلي انت امتدادي انت نور عيني اللي شبهي انت دونا عن ولادي
وقتها انا كنت غاوي للغناوي كنت اسيبها قاعدة و انزل اترمي في حضن القهاوي
هي ديا احلي عيشة هاتلي نار علي فحم شيشية هاتلي طاولة امي دي فاكراني طيشة
لأ دة انا راجل بشنبي بصوا دقني
و اما جالي الحزن داقني و الزمان خد مني خانة الدوا اللي عند امي مش لاقيه ف الاجزخانة
كل ليلة كنت برجع و الدُعا صالبلي ضهري و التعب فارد طريقي و السنين بتقولي اجري
في الزمن عمال بسابق بلتقي بحضن بفارق زحمة الدنيا خدتني
مفتكرهاش الا لما بس الاقي الاكل حادق انت فين مش عارف اكل
اقعدي جانبي تعالي اسمعي اخر المهازل مرة واحد حب ينجح قاله عنه انّه فاشل
مرة واحد حب واحدة بس سبها لانه عاطل
قالوا عني اني شبهك قالوا واخد شكل شعرك ضعف نظرك و السنان البايظة منك
ياما جرحوني يا امي و بدعاكي جت سليمة هما لما يقولوا عني ابن امي دي شتيمة !
كملي جميلك يا امي و بعد عمر طويل اوي روحي للرحمن قوليله ان ابني بيحبني اوي
ياما زعلني و سامحته ياما زعقلي و كان يكفيني بس اشم ريحته
كان بينسي يقولي شكرا وانا باديه من حياتي بس انا و انت اللي عالِم كنت بدعيله يوماتي ربنا يهديه يسامحه
كان كتير يصعب عليا لما اشوف في عيونه جرحه مهما يعمل لسة ابني اللي كان في اللفة خايف
مهما ينطق لسة سامعة ماما من اصغر شفايف
كملي جميلك يا امي
و روحي للرحمن قوليله هو ابني امتدادي هو نور عيني اللي شبهي
و اما جيت اكتب عن امي
برضه كل كلامي عادي

اقرأ ايضا : قصيدة عن الام للشاعر حافظ ابراهيم

من هو كاتب قصيدة لما جيت اكتب عن امي؟

بالنسبة للأشخاص الذين أحبوا هذه القصيدة المميزة، ويريدون معرفة الشاعر الذي قام بتأليفها، فهو الشاعر عبدالله حسن والذي ظهر في عدة لقاءات ومحاورات على التلفزيون التي جاء فيها هذه القصة بالأخص.

وعندما تم سؤاله عن هذه القصيدة وبالتحديد قصيدة لما جيت اكتب عن أمي فقال “كنت شديد الارتباط جدا بوالدتى رحمها الله.. وكنت متعود انى اجيب هدية فى عيد الأم وأكتب كروت الهدايا للاصدقاء فى عيد الأم”

كما قال الشاعر عبد الله حسن انه في سنة 2009، كان يمر ببعض الظروف المادية الغير جيدة، مما جعله لا يستطيع أن يحضر هدية لوالدته وبالتالي كتب لها جملة محتواها “سامحينى السنة دى أنا مش معايا فلوس أجيب لك هدية”

وبعدها خرج وهو يشعر ببعض الحزن لأنه لم يتمكن من إحضار الهدية لأمه، وكان يجلس في مقهى بجانب المنزل وبالتالي قرر وقتها أن يكتب هذه القصدية على ورقة من كرتون ذلك المقهى، ومن ثم ترك هذه القصيدة بدون الإفصاح عنها حتى الوصول لعام 2013 والذي قرر الحديث عن القصيدة لما بات يكتب الشعر بشكل أكبر.

مقالات أخرى قد تهمك:-

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى